satu antara dua

nak jadi orang yang selamat?
selamat dari penambahan dosa....insyaallah.
jadilah satu antara duo pado bilo-bilo maso.
belajar atau mengajar(ilmu agamo)
kalau rasa tak tahu ...mestila... belajar...
kalau rasa dah tahu ...mestila...mengajar...

Balik Kampong 3

Subhanalla..h. Huuu...wai tinggi eee. Pokok nio ni umo eee samo ngan umo den. Buah dah tak dapek nak gait. Tunggu yo la gugo. Totibo omak den monjoghit"Jangan diam kek bawah pokok nio tu lamo-lamo dik o...i. Impok ee dek buah nio kotai kaa....ng". "Yolah..yola...h mak" kete den.
BILO KAMU MONDONGAK KO LANGIT,JANGAN LUPO BUMI TOMPEK BOPIJAK.

Balik Kampong 2

Sarapan kodok pisang. Maso sarapan, omak cakap, bungo dughian dah kombang. Po lai, lopeh sarapan den ngan omak poi blakang ghumah, kutip bungo dian. Kok oghang nogoghi tau la.. buek apo bungo dian tu. Huu... Makan tongahaghi tu nekmoyang yang sodap, ikan gogheng cocah sambal gesek, dongan sayo bungo dughian masak asam ghobusy. Alhamdulilla..h. Kawan den oghang Banja Selango, pun suko. Dio kawin ngan den baghu dio moghaso sayor bungo dughian ni.
Koghang yang nak makan sayor bungodughian, balik la kampung kojap. Lambek nanti molopeh...

Balik Kampong1

Ceghito ngoghi.Omak kono ghompak.Sobab tu den balik....sian omak ngan adik bongsu den.Ekek dek poghompak kaki tangan dongan dawai sidai kain. Duit omak den nak ganti atap dapo abih di ambik eee.Den cakapan kek omak,bia la..ambik ee duit tu..Omak ngan adik tak di apo-apo eee tu k la...Syukur.Ya Allah...polihagho la omak ngan adik den daghi kejahatan manusio,panjangan umo eeboduo dalamkeredhoanMu.

Pengonalan

Assalamualaikum.. Sajo yo nak buek blog ni. Kawan den oghang banjar. Eden tengok dio baco blog untuk oghang banjar. Eden pon toghaso nak buek blog untuk oghang nogoghi. Coghito banyak ni. Tak tau mano nak mulo. Da lamo tak menulih sobonar ee. Baghu2 ni den balek Ghombau macam2 coghito. Coghito sodih,coghito suko,coghito menakut an. Nanti la... Esok2 den coghito... Kok nak tanyo apo2 tnyo yo la.. Apo2 isu pon boleh tanyo. Kok dapek jawab, den jawab. Kok x dapek jawab saba yo lah. Ok la... Sampai sini la lu untok post ni. Assalamualaikum..
Ni la... omak den..